Recibimos desde MeteoGalicia un diploma e a seguinte mensaxe, en recoñecemento ao traballo desenvolvido polo alumnado e polo profesorado.
Estimados profesores e alumnos,
Dende MeteoGalicia, valoramos moi positivamente o traballo desenvolvido durante o curso 2014-2015, na súa MeteoEscola. O seu proxecto conseguiu acadar os obxectivos máis altos propostos, e mesmo superalos.
Por iso, cremos que é xusto facer un recoñecemento o seu proxecto pola súa orixinalidade, o seu carácter multidisciplinar, e sobre todo o seu gran impacto tanto na propia Comunidade Educativa, coma na contorna do seu centro.
Por ser un dos proxectos mellor valorados do Programa MeteoEscolas queremos facerlle entrega deste diploma, felicitando tanto a profesores como alumnos polo seu traballo.
Moitas grazas polo seu esforzo e un traballo moi ben realizado!
Equipo do programa MeteoEscolas.
Moitas grazas ao equipo do programa MeteoEscolas polo recoñecemento, en nome de todos os participantes do IES Ramón Caamaño!!!